Shërbimi i motit në Spanjë ka deklaruar se masa e ajrit të nxehtë që erdhi nga Afrika e Veriut ka sjellë të dielën valën e parë të madhe të të nxehtit në këtë shtet, me temperatura që priten të shkojnë në 43 gradë Celsius.
Agjencia e motit “Aemet” tha se zonat më të nxehta do të jenë në Spanjën qendrore dhe jugperëndimore.
“Vala e të nxehtit pritet të zgjasë të paktën deri të mërkurën”, tha agjencia. Moti 43 gradë ishte parashikuar për qytetet jugore të Seviljes, Kordobës dhe Badajozit.
Meteorologët thanë se temperatura në Madrid mund të arrijë 38 gradë celsius, një mesatare e lartë për fillimin e qershorit. Temperatura më e lartë e parashikuar në Barcelonën bregdetare ishte 32 gradë celsius.
