Ardit Gjebrea është një ndër emrat ikonë të ekranit shqiptarë. Prej vitesh ai tashmë është figura kryesore e të dielave familjare me emisionin e tij “E diela Shqiptare”.
Ditën e sotme Gjebrea ka festuar ditëlindjen e tij të 59-të. Në mesnatë teksa priste që akrepat të shënonin 12-të, Arditi ka marrë surprizën më emocionuese nga i biri.
Joni djali i tij ka ardhur surprizë nga USA enkas për ditëlindjen e të atit. Ka qen ai që ka postuar disa video më pas në rrjetin e tij social Instagram, ku shihet qartë reagimi i ndjerë i Arditit. Ai ka mbetur i habitur dhe i janë mbushur sytë me lot kur ka shikuar djalin.
Nga ana tjetër, edhe vetë moderatori ka ndarë në rrjetin e tij social Instagram një foto të familjes së tij të plotë, duke treguar se tani mund të festonte.
“Surpriza më e bukur që i dha kuptim darkës teksa prisnim orën, ishte kur në mesnatë shfaqet papritur Jon Gjebrea. Tani që jemi të 4t bashkë, ka kuptim dhe mund të festoj,”-shkruan këngëtari krahas fotos.
