Ministria e Shëndetësisë bënë me dije se nga 679 testime të kryera kanë rezultuar pozitiv me Covid-19, 20 qytetarë. Rastet e reja janë shënuar në këto bashki: 15 në Tiranë, nga 1 qytetar në Fier, Lushnje, Tepelenë, Pogradec, Gramsh.
Ndërkohë, bëhet me dije se janë 313 pacientë aktivë me Covid-19 në të gjithë vendin. Aktualisht në spitalin COVID3 po marrin trajtim 3 pacientë. Në 24 orët e fundit nuk ka asnjë humbje jete me Sars-Cov2. Janë shëruar 20 qytetarë gjatë 24 orëve të fundit, duke e çuar numrin e të shëruarve në 272,311 që nga fillimi i epidemisë.
Kujtojmë se, rastet e Covid-19 janë ulur në krahasim me një ditë më parë, për shkak të rritjes edhe të testimeve nga Ministria e Shëndetësisë. Ditën e djeshme numri i testimeve ka qenë më i lartë. Ditën e djeshme nuk është regjistruar humbje jete.
