Kombëtarja shqiptare ka nisur përgatitjet për dy ndeshjet e Ligës së Kombeve që luhen në muajin qershor, ato ndaj Islandës në transfertë më 6 qershor dhe ndaj Izraelit në shtëpi më 10 qershor. Edi Reja ka mbledhur lojtarët dhe FSHF njofton se Kombëtarja do të zhvillojë ditën e diel vetëm një seancë stërvitore.
Në njoftimin e FSHF-së thuhet se stërvitja do të nis në orën 10:00 të paradites në kompleksin Tropikal në Durrës, ndërsa pasditja është pushim.
“Përshëndetje të gjithëve! Kombëtarja shqiptare do të zhvillojë ditën e diel vetëm një seancë stërvitore në ora 10:00 e paradites në kompleksin Tropikal në Durrës, ndërsa pasditja është pushim. Si zakonisht seanca do të jetë e hapur për median vetëm për 15 minutat e para” – thuhet në njoftimin e FSHF-së.
Pas këtyre dy sfida skuadra kuqezi do të luajë edhe një miqësore me Estoninë në stadiumin “Air Albania” më 13 qershor.
