Pak më herët ekipi i Feyenordit ka zbarkuar në Tiranë.
Në një video të publikuar, shihet autobusi i skuadrës holandeze që lëviz në rrugët e kryeqytetit shqiptar, i ndjekur nga masat e rrepta të forcave policore.
Pas tyre ka mbërritur dhe Roma. Avioni i nisur rreth orës 15:00 nga aeroporti i Fuimicinos, u ul në orar në Tiranë.
Skuadra verdhekuqë me Mourinhon dhe Kumbullën në bord, u zhvendos më pas në autobusin që e transportoi deri në hotelin në afërsi të stadiumit.
Roma nuk ka parashikuar seancë stërvitore në Tiranë pasi e zhvilloi në “Trigoria” të martën ku ishin të pranishëm edhe shumë tifozë.
Kujtojmë që tifozët e të dyja skuadrave kanë mbërritur në Tiranë ku dhe kanë nisur trazirat e para. Vetëm pak më para gijotina.com publikoi një video ku shfaqeshin tifozët e Romës dhe përplaseshin me policinë duke thirrur në kor fjalë ofenduese.
