Deputetja e Partisë Demokratike Grida Duma ka braktisur mbledhjen e Konferencës së Kryetarëve, pasi sipas saj propozimet për postin e presidentit duhet të bëhen nga opozita, dhe vetëm në dy raundet e fundit mazhoranca mund ta kalojë emrin e vetme.
Në daljen para gazetarëve, Duma nuk u kursye në kritikat ndaj Alibeajt duke thënë se po e shfrytëzon situatën për protagonizëm personal.
“Mazhoranca ka të drejtën në raundet e fundit që të kalojë me votat e veta. Shqetësimi im është ky, që ne nuk duhet t’i lejojmë një mazhorance, që nuk e ka legjitimitetin. Ka disa individë në opozitë që duan të bëjnë protagonizëm personal. Opozita duhet ti kërkojë mazhorancës, që të votojë kandidatët e tyre, dhe nëse ata nuk e votojnë ata ta mbajnë në kurrizin e tyre. Nuk ka nevojë që të zgjatet kaq shumë procesi, politika që nuk prodhon asgjë është politika e fasadës, nuk duhet të hyjmë në këtë proces”, u shpreh Duma.
