Kreu i grupit Parlamentar të PS Taulant Balla u shpreh se raundi i dytë për votimin e Presidentit të ri do të mbahet më 23 maj ora 18:00.
“Propozoj që raundi i dytë të zhvillohet më 23 maj, në orën 18:00. I diskutojmë kriteret këtu. Kjo nuk bëhet me letra. Kam një muaj që iu bëj thirrje publike, si të doni dhe eja ulemi. Me grupin e Mediut jemi ulur dhe kemi diskutuar, ka pasur propozime me vlerë. Në fund të fundit do të flasim me emra. Si i bëhet të zgjedhim emrin? Se në fund të fundit do të zgjedhim dikë. Ne kemi vënë vetëm një kusht; të jetë i kundërt me ç’ka bërë Ilir Meta në presidencë. Vetëm këtë duam meqë e përmendi nënkryetari i Kuvendit. Ata të dy, Saliu dhe Iliri nuk do zgjedhin më në këtë vend president. Ata të dy jo njëherë. Më në fund u takuam dhe u pamë” tha Taulant Balla.
Kushtetuta parashikon që Kuvendi të shkojë në një raund të dytë për të zgjedhur Presidentin e Republikës, e cila përkon me datën limit 24 maj.
