Një tjetër ngjarje e rëndë është shënuar mbrëmjen e sotme ne qytetin e Vlorës. Një 42-vjeçar është gjetur i vetvarur në banesën e tij.
Mësohet se ngjarja është shënuar në lagjen “Kushtrimi” në qytetin bregdetar rreth orës 19:35 të pasdites së sotme.
Sipas policisë, kanë qenë familjarët e tij ata që e kanë gjetur të vetvarur 42-vjeçarin me iniciale F.A.
“Më datë 15.05.2022, rreth orës 19:35, në lagjen “Kushtrimi”, Vlorë, në banesë është gjetur nga familjarët, i vetvarur shtetasi F. A., 42 vjeç, i cili vuante nga probleme të shëndetit mendor.”
Së fundmi, grupi hetimor ndodhet në vendngjarje dhe po punon për sqarimin e rrethanave të ngjarjes.
