Pas shkarkimit të Elizabeta Imerajt si prokurore nga KPA (Komisioni i Posaçëm i Apelimit), një vrull qëndrimesh u lëshuan në rrjet, ku disa e morën në mbrojtje, duke deklaruar se shkarkimi i saj u bë i bazuar në thashetheme, ndërsa shumë profesionistë, apo ish kolegë të saj e konsiderojnë atë si shembulli më i keq i njollosjes së drejtësisë në vend, ku me intrigën e saj të sofistikuar nuk rreshti asnjë moment.
Megjithatë të vërtetat duhen thënë në sy, pavarësisht nëse vendimi ishte i bazuar në prova apo në thashetheme. Elizabeta Imeraj njihet si një nga prokurorët e prokuroret, që ka pasur mbështetjen më të fortë nga njerëzit e politikës por dhe nga oligarkët. Me mbështetjen që kishte nga njerëz me pushtet absolut e para që burojnë nga fondet publike, por edhe favorizimet e abuzimet, por sidomos nga Shefqet Kastrati, Pëllumb Salillari, Erjon Veliaj etj, kjo grua tentoi çdo gjë, provoi çdo rrugë, pa kursyer askënd dhe pa treguar asnjë skrupull ne një përpjekje të trishtë për të mbijetuar.
Ishte kjo prokurore që nuk ka çuar asnjë hetim deri në fund, por veç ka vendosur gjoba. Këtë e di një opinion i tërë. Pretendon që ka hetuar Sajmir Tahirin e Lulzim Bashën, por përveç shoë-t mediatik s’ka bërë asnjë hetim. Saimir Tahirin, e dinë të gjithë se e këputi hetimi i italianëve, prokurorja vetëm sa i bëri nder Erjon Veliajt, duke këmbëngulur që të dënohet, me qëllim që Lalit t’i hapet rruga për të marrë kreun e PS. Se po të ishte për Elizabetën, ajo ishte kthyer në një njeri të afërt me Tahirin, madje duke ndenjur deri në darka familjare.
Po ashtu, ishte kjo zonjë që bëri gjoja sikur ndau burrin për t’i shpëtuar vettingut, pasi burri i vet kishte akuza për prostitucion në Itali, një akuzë dhe një dyshim i fortë që e përndoqi gjatë gjithë procesit të vettingut. Dhe të gjithë thonë se u ndanë me letra, pasi martesa e tyre vazhdon normal. Megjithatë, ajo pretendon që ish-burri i saj ka dalë i pafajshëm me vendim apeli në Itali dhe që zgjidhja e martesës ka ardhur për shkaqe personale dhe jo vettingase.
Kjo zonjë nuk rreshti asnjë moment duke bërë presion mbi trupën e vlerësimit me lloj-lloj manipulimesh dhe shantazhe të ulëta. Nuk u lodh asnjë moment për të shantazhuar ose ndikuar gjithë njerëzit që mendonte se kishin akses në Ambasadën e SHBA, duke u stisur çështje që pastaj bënte sikur ua mbyllte në këmbim të një fjale të mirë për të.
Nuk u lodh duke thënë lart e poshtë që ka qenë për drekë me Yuri Kim dhe i ka rregulluar punët. Tentoi të prodhonte me mediat e blera një kauzë inekzistente të ndarjes krahinore në Shqipëri me pretendimin që po heqin këtë “heroinë” se është nga veriu. Sikur mos të mjaftonin këto tashmë po del nëpër studio televizive, që gjithë populli duhet të vajtojë për këtë humbje të thellë.
Por atyre që u ka rënë halli në Prokurorinë e Tiranës e dinë që shpëtuan nga nënëmadhja e shantazhit, intrigës dhe korrupsionit.
Por, me gjithë aleancën e njerëzve më të fuqishëm në politikë e biznes të lidhur me politikën për ta mbështetur, nuk ia dolën, siç duket këta njerëz, ende nuk kanë arritur të depërtojnë tek amerikanët, të cilët shpesh herë nuk ia përtojnë t’i tregojnë vendin sa njërit dhe tjetrit, mbase ka ardhur radha dhe për mbështetësit e saj…
