Deputeti i PS-së, Petro Koçi, ka ngritur një akuzë të fortë ditën e sotme ndaj Kadastrës në Fier dhe bashkisë në këtë qytet. Në një deklaratë publike Koçi ka thënë se ka fakte që në Kadastër të punësuar disa zyrtarë që sillen si bejlerë, por në asnjë moment nuk bëjnë punën që iu takon dhe nuk merren me hallet e qytetarëve. Koçi theksoi se ata duhen zhdukur zyra dhe duhen ndëshkuar.
“Në Fier është ndryshuar drejtori i Kadastrës dhe uroj të ndryshojë menaxhimi i kësaj kadastre që është bërë gangrenë në Fier. Ata që janë bërë bejlerë në ato zyra duhen zhdukur dhe duhen ndëshkuar. Mjafton të ndjekësh hallin e vetëm një qytetari për të kuptuar se ku qëndron e keqja.
Disa zyrtarucë nuk duan t’ia dinë por sillen si bejlerë. E ka fajin administrata që janë njerëz që mendojnë se ku bëhen pjesë e administratës mendojnë se është biznes personal dhe jo detyrim nga ligji. Uroj të kemi një situatë të re me kadastrën në Fier”, tha Koçi. Ndërsa i ka kërkuar institucioneve të drejtësisë të veprojnë sa më parë.
