SPAK ka zbarkuar në Prokuroria e Elbasanit pasi kjo e fundit ka nisur hetimet për abuzimet e kryera në vitet e fundit në investimet publike. Hetimet kanë nisur kryesisht dhe janë në faze verifikimi, në rrugën “25 Nëntori”, ku bashkia ka investuar rreth 5 milion euro.
Edhe pse kanë kaluar 6 vite nga ky investim drejtoria e Ujësjellësit ka ndërhyrë më shumë se 37 herë për të riparuar defektet si pasojë e cilësisë së dobët të punimeve. Gjithashtu mësohet se sot në orët e para të mëngjesit në këtë rrugë është ndërhyrë për herë të 38-të. Investimi në këtë zonë është kryer nga kompania “Ergi shpk”.
