Një djalë 4-vjeçar mund të ketë një të ardhme në Formula 1 pasi mori makinën e mamasë së tij për një xhiro në Holandë.
Policia në qytetin qendror të Utrecht tha se fëmija u përplas me dy makina të parkuara të shtunën e kaluar, përpara se të largohej nga vendi i ngjarjes me pizhame dhe këmbë zbathur.
Kalimtarët e shqetësuar thirrën policinë pasi e panë duke ecur i vetëm në rrugë në të ftohtë.
Askush nuk u lëndua gjatë arratisjes së tij, me policinë që tha në Instagram se kishte zbuluar një “Maks Verstappen të ri”.
Policia shkroi se fëmija ishte zgjuar të shtunën kur babai i tij shkoi në punë dhe i kishte marrë çelësat e makinës së nënës së tij “për të dalë xhiro me makinë”.
Pasi oficerët u thirrën për ta marrë atë, erdhi një raport për një automjet të braktisur aty pranë, i cili dukej se kishte goditur dy makina të parkuara.
Makina ishte regjistruar në emrin e nënës së djalit, tha policia dhe oficerët e thirrën nënën për ta verifikuar. Duke ia dhënë telefonin të riut, policia tha se ai imitoi drejtimin e makinës dhe bëri gjeste duke rrotulluar timonin.
“Më pas kuptuam se shoferi mund të ketë qenë fëmija”, vijon postimi në Instagram.
4-vjeçarit iu dha një çokollatë e nxehtë në komisariat dhe një arush pelushi, përpara se të ribashkohej me nënën e tij.
Së bashku, ata shkuan në vendin e aksidentit, ku ai u pyet nëse mund të tregonte se si funksiononte makina.
“Fëmija hapi makinën me çelës, e futi në ndezës dhe lëvizi këmbën tek pedalet e gazit”, tha policia.
Oficerët u kërkuan prindërve që të fshehin çelësat e makinës së tyre në të ardhmen.
“Max Verstappen i ri u gjet në (periferinë e Utrecht-it) Overvecht”, shkruan policia në postim – një referencë për pilotin aktual holandez të botës në Formula 1.
“Fatmirësisht, aventura e këtij mini shoferi ka marrë fund me zhurmë”, shtoi policia.
