Aktorja e njohur Jossara Jinaro, është ndarë nga jeta në moshën 48-vjeçare, pas një beteje me kancerin. Lajmin e ka bërë me dije bashkëshorti i saj, i cili tha se aktorja ndërroi jetë në fillim të kësaj jave. “Jossara luftoi me guxim kancerin dhe u kthye në shtëpi për t’u rrethuar nga familja.”, tha Matt Bogado. Më tutje mes dhimbjes ai shtoi: “Jossara ishte një grua, nënë, artiste dhe mike e mrekullueshme. Ajo kishte shpirtin më të bukur, më të sjellshëm dhe nuk pranonte jo për një përgjigje. Edhe në momentet e saj të fundit, ajo ishte ende duke luftuar.” Ai thotë se tani prehet në paqe dhe do të mbahet mend përgjithmonë.
Jossara ishte më e njohur për rolin e saj në telenovelën “Passions” me rolin e saj si Rae dhe si Reina në “East Los High”. Ajo u shfaq gjithashtu në “Judging Amy” dhe “Animal Kingdom”. Ajo ka lindur në Rio de Zhaneiro, Brazil, por është rritur në Kolumbi si vajza e birësuar e një diplomati, raporton Deadline.
