Në kuadër të operacionit “Knock down”, Policia e Korçës ka mundur të vërë në pranga një 22 vjeçar, i cili ishte shpallur në kërkim për trafik droge. Bëhet me dije se i arrestuari është Romeo Belul 22 vjeç, banues në Korçë, pasi Gjykata e Rrethit Gjyqësor Korçë me vendimin e datës 19.04.2022, ka caktuar për këtë shtetas masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim.
Ndërkaq, bëhet me dije se shkon në 25 numri i të ndaluarve, 6 të shpallurve në kërkim dhe 70 të tjerë nën hetim penal. Ndërkohë, Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme. Pasi dyshohet se i riu është pjesë i një grupi të madh trafikantësh të lëndëve narkotike.
