Një mësuese e cila dhunonte fëmijët me aftësi të kufizuara është arrestuar nga policia italiane. Kanë qenë denoncimet e prindërve të cilët raportuan se në trupin e vajzës së tyre kishin gjetur shenja të pakundërshtueshme dhune fizike, policia mori veprime për hetimin dhe parandalimin e rastit. Mësohet se çifti ka vënë re një ndryshim të dukshëm në humorin dhe qëndrimin e fëmijës.
Mësuesja është kapur në flagrancë nga kamerave të fshehta në shkollën fillore në provincën e Brescias, ku karabinierët konstatuan se gjatë orarit të mësimit mësuesja dhunonte fizikisht në mënyrë të përsëritur fëmijën. Regjistrimet e ditës së parë zbuluan shuplaka, tërheqje flokësh dhe pickime.
Karabinierët, me urdhër të prokurorit Alessio Bernardi, kanë ndërhyrë dhe kanë bërë të mundur arrestimin e saj. Gruaja u arrestua me akuzën e keqtrajtimit të rëndë dhe lëndimeve të rënda në dëm të një të mituri me aftësi të kufizuara.
