Balerini dhe fituesi i edicionit të parë të “Big Brother VIP”, Ilir Shaqiri do të martohet këtë fundjavë. Të paktën kështu bëjnë të ditur burime për “VIP Magazine”.
Ai dhe partnerja e tij Emanuela do ta zhvillojnë dasmën këtë të shtunë, në një restorant pranë bregdetit në qytetin e Durrësit. Gjithashtu, mësohet se pjesë e gëzimit të tyre do të jenë më shumë se 100 të ftuar.
Kujtojmë se, pak muaj më parë Iliri ka deklaruar se nuk kishte zhvilluar dasmë, por vetëm një ceremoni martesore në bashki në Itali dhe një darkë private me 14 persona.
Marrëdhënia e Ilirit me bashkëshorten e tij, Emanuela, është komentuar shumë nga njerëzit pasi ai tha se e ka tradhtuar për tre vite kohë më parë. Kjo nuk u harrua nga fansat e konkurrentëve të tjerë që e përdornin në rrjetet sociale.
