Pavarësisht se ministrja e Kulturës, Elva Margariti, thotë se është konsultuar me ta për projektligjin për dhënien me koncesion të Butrintit, arkeologët në vend e kundërshtojnë këtë projekt. Një prej tyre është Arkeologu Neritan Ceka e cili e quan një skandal koncesionin prej 5 milionë dollarësh për menaxhimin e Parkut Kombëtar të Butrintit.
Arekologu deklaroi se nuk ka transparencë për këtë projekt. Sipas Cekës qeveria ka larguar nga projekti specialistët vendas dhe kanë marrë të huaj. “Ministria ka dorëzuar ‘armët’ për Butrintin. Kërkoj që në vend të debatit të ketë një unitet të dy partive kryesore për të evindetuar faktorin shqiptar në dy drejtime, që të jetë jo parku i një pasurie greko-romake, nuk kemi grekë atje, Butrinti është qytet epiriot, dhe jo grek. Në bordet, të dy operdet, operativ dhe kryesor të ketë një zotërim të specialistëve shqiptarë. Ministria e Kulturës të heqë dorë nga parulla që s’ka specialistë. S’ka politikanë, por ka specialistë në institutin e arkeologjisë”,deklaroi Ceka.
Ndër të tjera arkeologu Neritan Ceka theksoi se specialistët shqiptarë duhet të jenë në borde dhe të ndahet menaxhimi me politikën në Ministrinë e Kulturës, por sipas tij në krye qëndrojnë 100 burokratë.
