Është zbardhur ngjarja e pasdites së sotme në qytetin e Kukësit, ku sherri mes disa personave përfundoi me një të plagosur. Mësohet se autori i plagosjes, Emërli Murtati është konfliktuar fillimisht me 10 bashkëfshatarët e tij, pasi këta të fundit po gërmonin kanal për të futur tuba në kanalet vaditës. Murtati nuk ka qenë dakord dhe e ka kundërshtuar me forcë hapjen e kanalit, pasi ia dëmtonte rrugën e varrezave të lagjes së tij.
Autori dhe bashkëfshatarët janë konfliktuar verbalisht dhe fizikisht. Sherri më tej ka agravoi deri në atë pikë ku Murtati ka nxjerrë një armë tip pistoletë, duke shtënë në drejtim të turmës. Plumbi ka kapur në këmbë një prej bashkëfshatarëve të tij, ku u plagos Festim Axhami.
Në këtë moment personat e tjerë të pranishëm kanë ushtruar dhunë ndaj autorit të ngjarjes, duke i shkaktuar plagë në kokë. Edhe Murtati po merr mjekim pranë Spitalit Rajonal të Kukësit.
