Fotot që shihni më poshtë janë të një banese në Tropojë e cila ka pësuar dëme të mëdha pas tërmetit të fuqishëm që shkundi Ballkanin dhe Shqipërinë mbrëmjen e djeshme. Emergjencat Civile në bashkinë e Tropojës thonë se banesa e dëmtuar është në pronësi të Shpresa Sokolaj nga fshati Dragobi, ndërsa duket se shtëpia e saj ka pësuar plasaritje në muret e jashtme dhe të brendshme, por fatmirësisht s’ka të lënduar në njerëz.
Mbrëmjen e kaluar Ballkani u trondit nga një tërmet i fuqishëm 6 ballë, me epiqendër në Bosnjë, por që u ndje edhe në shtete të tjera, mes tyre edhe në Shqipëri. Në Bosnjë, atje ku ishte dhe epiqendra e tërmetit, si pasojë e lëkundjeve një vajzë humbi jetën.
Tërmeti goditi në një thellësi të cekët prej 10 km nën epiqendrën afër Sarajevës, Bosnje dhe Hercegovinës, natën vonë të premten, 22 prill 2022, në orën 23:07 me orën lokale.
