UKT është një nga drejtoritë e Bashkisë Tiranë që shquhet për shpenzimet e tepërta dhe keqpërdorimin që u bën taksave me procedurat publike. Drejtoria e Ujësjellës Kanalizimeve Tiranë e cila është në varësinë e Bashkisë së Erion Veliajt, vijon të bëjë tenderë për shërbime që në këtë kohë krize janë të panevojshme. Edhe kësaj radhe drejtori Elton Kacidhja nuk ka zhgënjyer.
Në Agjencinë e Prokurimeve Publike është regjistruar tenderi i radhës i UKT, për shërbim dhe mirëmbajtje vjetore të sistemit call center. Procedura mban numrin e referencës REF-24507-04-08-2022 dhe ka fondin limit prej 2.180.000 lekë të reja, ose rreth 22 milionë lekë të vjetra. Pra, Kacidhja do jap 22 milionë lekë të vjetra për mirëmbajtje të shërbimit që pret ankesat e qytetarëve.
Nëse do të ishte kaq i kujdesshëm deri në detaj që qytetarëve të Tiranës t’u siguronte ujë 24 orë dhe pa ndërprerje, sa është në mirëmbajtjen që u bën zyrave të drejtorisë së tij me tenderë publik, do ishte më e drejtë. Pasi nëse sot nëse pyet një qytetar të Tiranës se ku do të duhej t’i shpenzonte UKT taksat e tij, me siguri përgjigja do ishte, të sigurojë ujë në kryeqytet. Por meqenëse shërbimi call center do të mirëmbahet nga drejtor Kacidhja, kjo mund të jetë edhe shenjë se ankesat e qytetarëve në telefon do të vazhdojnë akoma. Marrë nga Gijotina.com.
