Gjykata Kushtetuese ende nuk e ka publikuar vendimin për heqjen e mandatit të deputetit socialist, Koço Kokëdhima, megjithëse mësohet se gati gjysma e trupës ka votuar pro. Ende nuk dihet qëndrimi i kryetarit, Bashkim Dedja.
Partia Demokratike ka dalë sërish sot për të akuzuar Kryeministrin Rama se po i bën presion Gjykatës Kushtetuese për të mos i hequr mandatin Kokëdhimës, edhe pse ai ka konflikt interesi.
Deputeti i PD-së, Eduard Halimi, tha në një konferencë për shtyp se “I kërkojmë Gjykatës Kushtetuese të zbardhë sa më shpejt vendimin, pasi çështja ka të bëjë me korrupsionin shteteror, me oligarkine dhe oligarket, me kapjen e shtetit, ndaj ky rast është e një rëndësie të madhe publike”. /27.al/
