Ditën e sotme është parandaluar një rast i krimit në familje. Policia e Durrësit ka vënë në pranga 45-vjeçarin, pasi bëhet me dije se ushtronte dhunë ndaj bashkëshortes së tij. Bëhet fjalë për Ervin Lleshi banues në lagjen numër 18 në qytetin e Durrësit, pasi mbante në banesë armë zjarri.
Gjatë kontrollit në banesën e 45-vjeçarit, Policia e Durrësit sekuestroi 1 armë zjarri tip kallashnikov, një sasi municioni luftarak dhe 1 armë e ftohtë, thikë.
Së fundmi, mësohet se Lleshi është akuzuar për veprat penale: “Dhuna në familje”, “Mbajtja pa leje dhe prodhimi i armëve , armëve shpërthyese dhe i municionit” dhe “Prodhimi, mbajtja , blerja apo shitja pa leje e armeve te ftohta”.
Materialet i kaluan policisë për veprime të mëtejshme në zbardhjen e ngjarjes.
