Deputeti demokrat Edi Paloka, njëkohësisht anëtar i Komisionit të Rithemelimit, ka reaguar pas prezantimit që platformës për bashkimin e PD të propozuar nga Enkelejd Alibeaj, dhe të mbështetur nga 31 deputetë demokratë.
Teksa poston një foto nga Kuvendi Kombëtar i 11 Dhjetorit, Paloka shprehet i keqardhur për kolegët e tij, për të cilët thotë se nuk e kanë lexuar atë se çfarë kanë nënshkruar, ose në rastin më të keq, nuk e kanë kuptuar.
“Thjesht keqardhje për miqtë dhe kolegët që në rastin më të mirë, nuk kanë lexuar se çfarë ju kanë vënë përpara…Keq nëse nuk e kanë kuptuar ! Shumë keq nëse e kanë kuptuar dhe nënshkruar me vetëdije të plotë!”, shkruan Paloka.
Platforma e propozuar nga Alibeaj nuk përjashton Sali Berishën dhe as Lulzim Bashën nga gara për kreun e partisë, por kërkon që procesi zgjedhor të ndalet deri në bashkimin e të gjithë demokratëve, që për hir të së vërtetës duket i vështirë.
