Ambasadorët Lu e Vlahutin kanë paraqitur një propozim të ri dhe burimet nga PD bëjnë të ditur se Basha e ka pranuar. Burimet bëjnë me dije se ky propozim iu nis dhe kryeministrit Edi Rama. Nëse ka përgjigje pozitive atëherë votimi bëhet me konsensus. Nuk dihet përmbajtja e propozimit.
Në kryesinë e Kuvendit negociatat vijuan prej orës 11: 30 minuta.
Në takim fillimisht ishte kryetari i Kuvendit Ilir Meta, Lulzim Basha, nënkryetari i komisionit të reformës Oerd Bylykbashi dhe ambasadori i SHBA-së Donald Lu dhe e BE-së Romana Vlahutin.
Negociatat vijuan deri në orën 13: 30 minuta kur Basha doli nga kryesia, ndërsa burimet thanë se mes Metës Lu-së dhe Vlahutin kishte vijuar takimi.
Para këtij takimi zoti Meta shtyu diskutimin e ndryshimeve kushtetuese në Kuvend me qëllim vijimin e negociatave duke i kërkuar Bashës të sqarojë pozicionin e tij me ambasadorin Donald Lu. Meta këmbëngul në një votim me konsensus patriotik të reformës duke paralajmëruar dhe dorëheqjen nëse nuk do ishte ky votim.
Rama nuk ishte pjesë e këtyre negociatave në kryesi.
Cfare po ndodhe ore pas ore
Ora 14: 19 Gazetari Everest Dedaj nga kryesia e Kuvendit raporton se ambasadorët Lu e Vlahutin kanë paraqitur një propozim të ri dhe burimet nga PD bëjnë të ditur se Basha e ka pranuar. Burimet bëjnë me dije se ky propozim iu nis dhe kryeministrit Edi Rama. Nëse ka përgjigje pozitive atëherë votimi bëhet me konsensus
Ora 14: 16 Burimet bëjnë të ditur se PD ka rënë dakord me propozimin e Ambasadorëve.
Ora 14: 10 Partia Demokratike mbledh grupin parlamentar në orën 14:30 ndërsa vijon takimi mes Ilir Metës dhe ambasadorëve Lu e Vlahutin.
Ora 14: 00 Ende nuk ka marrëveshje mes palëve, pritet një komunikim në përpjekje për të gjetur një pikë të përbashkët që do të sillte arritjen e konsensusit.
Burime bëjnë të ditur se mund të ketë një propozim për të cilin Rama, Basha, Meta mund ta diskutojnë për të gjetur dakordësinë mes palëve.
