Dafina Zeqiri sot feston ditëlindjen. Këngëtarja, e cilësuar si ikona e muzikës shqiptare, bën 33 vjeç. Kjo ditë e rëndësishme për të e ka gjetur këngëtaren në Angli. Ka qenë partneri i saj, Dj Geek, i cili ka zbuluar përmes disa postimeve në rrjetet e tij sociale se ndodhen në Londër duke festuar.
Gjithashtu, nga Dj Geek nuk kanë munguar dhe disa fjalë të ëmbla krahas disa fotove me Dafinën teksa shkruan se ndihet shumë me fat që është pjesë e jetës së tij. Dafina shihet teksa feston me disa miq të saj.
“I uroj vajzës më të mirë në botë ditëlindjen më të lumtur sot! Ti je me të vërtetë gruaja më e madhështore, më mbështetëse dhe më e kujdesshme që dikush mund të kërkojë ndonjëherë, dhe unë jam shumë me fat që të kam në jetën time! Të dua shumë! Ps. dukesh më e re se kurrë!”,
Kujtojmë se, Dafina Zeqiri dhe Dj Geek e konfirmuan romancën e tyre në fillim të vitit 2020. Për muaj me radhë ata u vendosën në qendër të vëmendjes, për lidhjen e papritur të dashurisë dhe ndarjen po aq të shpejtë të tyre. Vetëm disa muaj nga lidhja e tyre, Dafina deklaroi se kishin vendosur të ndahen. Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentit sipas Dafinës ishte të zgjidhte karrierën.
Ndonëse të ndarë ata vijuan të shoqërohen me njëri-tjetrin dhe të punonin si më parë duke u shfaqur kudo bashkë. Në fund të 2021, Dafina dhe Geek konfirmuan rikthimin me njëri-tjetrin dhe që atëherë janë shfaqur shumë të lumtur dhe të dashuruar.
