Ka përfunduar mbledhja e grupit parlamentar të Partisë Demokratike pas 8 orësh debatesh. Enkelejd Alibeaj në një deklaratë për media kreu i grupit parlamentar, tha se shumica dërrmuese e deputetëve ishin të mendimit se një proces i njëanshëm nuk çon drejt bashkimit të Partisë Demokratike. Sipas tij, riorganizimi të filloj nga qeliza, seksioni e më pas të grupseksioni e kështu me radhë.
“Zoti Berisha erdhi dhe si gjithmonë unë i thashë të njëjtat gjëra, siç e keni marrë vesh. Vura re që shumica dërrmuese e kolegëve konstatuan disa gjëra të thjesht që konstatojnë gjërat që çojnë te bashkimi. Një proces i njëanshëm nuk të çon në bashkim, ky është konstatimi i parë. Një shumicë dërrmuese kërkoi që bashkimi të realizohet në bazë të një procesi të përbashkët ku mos të ketë përjashtimi. Riorganizimi të filloj nga qeliza, seksioni e më pas të grupseksioni e kështu me radhë. Kjo u tha nga deputetët të cilët e ofruan këtë zgjidhje. Unë ju ofrova deputetëve që nesër çdo deputet të propozojë në mënyrë shtjelluese propozimin e vetë” – tha Alibeaj.
Kujtojmë se edhe në këtë mbledhje të grupit parlamentar, përplasja mes Alibeajt dhe Berishës ka qenë e fortë.
