Njësia elitare e dronëve ukrainas e themeluar nga ekspertë vullnetarë të IT-së po bëhet pjesë e rëndësishme e rezistencës kundër forcave pushtuese ruse.
Aerorozvidka ndërton me porosi ose modifikon dronët e konsumit të disponueshëm për të punuar në një kontekst ushtarak dhe për të hedhur bomba mbi automjetet ruse nën mbulesën e natës.
“Tani, ne jemi të gjithë ushtarë, por rrënjët tona janë shumë të ndryshme”, tha për Insider, Mykhailo, një anëtar bordi dhe shef i komunikimit për Aerorozvidka, raporton businessinsider.
“Disa prej nesh kanë doktoraturë. Disa kanë master. Disa janë nga industria e IT dhe shumë industri të tjera. Gjëja kryesore që na bashkon është dëshira për të fituar këtë luftë”, shtoi ai.
