Presidenti i vendit Ilir Meta ka të dalë në një konferencë me mediat. Presidenti reagoi ndaj akuzave të Veliajt sot nga Kongresi duke e quajtur kryebashkiakun “Zogu i Tiranës”
“Zogu i Tiranës lëshoi sot shpifje të ulta ndaj Presidentit, me një fjalor banal, njësoj si një kone rrugësh që i lidhin kanaçe në qafe për të bërë zhurmë. Për fat të keq ai vazhdon të nxjerrë nga goja ato që i fusin. Akuzat për bllokim të propozimeve për ambasadorëve, një mashtrim ordiner. Zogu i Tiranës edhe në gjumë gënjen. Nuk kam bllokuar asnjë propozim zyrtar për emërim ambasadori. Faktet janë shkresat zyrtare. Ai e përdori përgjegjës Presidentin për të gjithë stërkëmbëshat që Rilindja i ka bërë Shqipërisë. Se përse e bëri ajo dihet sepse bilanci është katastrofik. Gjithçka që Presidenti ka thënë 1 vit më parë është provuar mëse e qartë, që nga vjedhja e zgjedhjeve të 25 prillit, që nga afera e inceneratorëve, dhe shohim se pas një viti një pjesë e konsiderueshme e grupit parlamentar është në një vend tjetër dhe kjo shitet si sukses. Ndërkohë që koka e gjithçkaje e shet këtë si sukses të reformës në drejtësi duke thënë se të gjithë duhet të shkojnë në burg, ndërsa unë jo”, tha Meta.
