Barcelona barazoi 1-1 mbrëmë kundër Eintracht Frankfurt në çerekfinalen e parë të Europa League. Gjërat mund të kishin shkuar edhe më keq, pasi gjermanët luajtën shumë mirë dhe kishin më shumë mundësi shënimi.
Trajneri Xavi Hernandez e pranoi se për skuadrën e tij e ishte e vështirë të përballej me “Shqiponjat”, por tani mendon për ndeshjen e kthimit në “Camp Nou” dhe katalanasit synojnë kualifikimin në gjysmëfinale.
“U përballëm me një kundërshtar shumë fizik. Nuk kishim lëvizjen e duhur të topit. Nuk na ndihmuan as kushtet e fushës, por barazuam duke shënuar një gol të mrekullueshëm. Ne kthehemi në shtëpi mjaft të kënaqur dhe ‘Camp Nou’ do të duhet të jetë një tenxhere me presion për kundërshtarin.
Frankfurt ishte një fushë shumë e vështirë, si Stambolli dhe Napoli. Do të jetë e vështirë, ata janë të organizuar mirë. Ne do të luajmë dhe do të sulmojmë më mirë, të jemi të kujdesshëm që të mos lejojmë hapësirë për kundërsulmet e tyre”, u shpreh Xavi.
