“Republika e pas 21 korrikut do të jetë e të gjithë shqiptarëve dhe jo vetëm e disave”
Kryetari i Kuvendit, Ilir Meta, e ka bërë publike edhe një herë qëndrimin e tij për reformën në drejtësi, duke sqaruar se i vetmi varjant i miratimit është konsensusi sipas komisionit të Venecias. Meta bëri deklaratën e tij pas një takimi që pati me kryetarin e PD-së, Lulzim Basha. Meta tha se Shqipëria e pas 21 korrikut do të jetë e të gjithë shqiptarëve dhe jo vetëm e disave prej tyre.
“Ditën e enjte në ora 10 fillon kuvendi dhe nuk do të mbarojë pa miratuar me konsensus dhe sipas Venecias reformën në drejtësi. Ky është qëndrimi i prerë i Kryetarit të Kuvendi Ilir Meta. Ai ka deklaruar Reforma në Drejtësi do të votohet por ka sqaruar se ajo do të bëhet vetëm me konsensus.
Në një deklaratë për mediat pas takimit me kryetarin e PD-së Lulzim basha, Meta ka sqaruar se nuk ka plan B, plan C apo plan LL, por plani i vetëm është miratim i reformës vetëm me konsensus.
E kam thënë orej kohësh që reforma në drejtësi do të votohet. Ka vetëm një plan, mos mendojnë as plan B, as plan C…Jemi shumë pranë marrëveshjes. Dua të falenderoj edhe z.Basha pasi mendoj se ka qenë mjaft konstruktiv. Janë plotësisht të angazhuar për miratimin e saj me konsensus sipas Venecias. Ditën e enjte në orën 10:00 Kuvendi do të fillojë me këtë cështje dhe dua të siguroj Uashingtonin dhe Brukselin se pavarësisht retorikave këtu, Shqipëria do të hedhë një hap madhor në drejtim të forcimit të shtetit ligjor të luftës kundër korrupsionit vetëm përmes konsensusit dhe sipas Venecias.
Nuk mundet të luftohet korrupsioni as me korrupsion dhe as me krim të organizuar. Të enjten në orën 10:00 kuvendi fillon dhe nuk do të mbarojë deri sa kjo reformë të miratohet me konsensus.
Askush të mos mendojë se mund të minojë konsensusin. Jam i gatshëm të shkoj me z.Basha në Bruksel. Ajo që pengon është retorika helmuese publike. Aktorët vendas dhe ndërkombëtarë të fokusohen tek “Venecia”, tha Meta.
