Mediat ndërkombëtare raportojnë se ushtria ka marrë me dhunë pushtetin në Turqi, ka bllokuar totalisht rrjetet sociale dhe internetin, ndërsa në disa lagje ka çarmatosur edhe policinë.
Gjithashtu ushtria ka hyrë me forcë në studiot e televizionit shtetëror turk dhe aeroportin e Stambollit. Situata është kaotike. Sakaq bëhet me dije se është marrë peng gjenerali i Forcave te Armatosura. Presidenti turk, Rexhep Taip Erdogan nuk ndodhet në Turqi, por në një vend të sigurt, sipas CNN turk, por ka edhe burime kontradiktore që thonë se Erdogan është në duart e ushtrisë. Dyshimet vijnë nga shërbimet sekrete.
Në pamjet e para të transmetuara nga CNN Turk duken blloqe të tëra të ngritura me kamionë ushtarakë dhe ushtarë të armatosur mbi urat që lidh anën aziatike me pjesën lindore të qytetit . Sakaq mediat sociale dhe lokale flasin për një ” aktivitetit ushtarak të pazakontë në Ankara dhe në Stamboll ” automjete të blinduara të forcave të sigurisë u vendosën në dy urat mbi Bosfor mbyllur për trafikun civil , ndërsa F – 16 dhe helikopterët e ushtrisë turke po fluturojnë ulët mbi zonë. Një helikopter sulmues i ushtrisë ka hapur zjarr në zyrat e shërbimit të inteligjencës në Ankara.
https://www.youtube.com/watch?v=y60wDzZt8yg
Moska dhe SHBA me sytë nga Turqia
23:10-Për situatën ekrijuar në Turqi ka reaguar edhe Departamenti amerikan i Shtetit. Sekretari John Kerry tha se shpresonte për paqe në Turqi. Ndërkohë, Moska zyrtare deklaroi se i kërkonte Turqisë që të evitonte gjakderdhjen. Mediat ndërkombëtare raportojnë se i gjithë vendi është marrë nën kontroll nga një grup i quajtur “Paqe në shtëpi”.
Ushtria ka paralajmëruar shtetrrethimin, i cili është paralajmëruar të hyjë në fuqi nesër në orën 6 të mëngjesit, çka do të thotë se gjithkush që reagon qëllohet me armë. Ushtria u kërkon qytetarëve që të mos dalin nga banesat e tyre.
Zyra e shtypit të Presidentit turk në një deklaratë thotë se bëhet fjalë për një grup të vogël ish-ushtarakësh që kanë kryer aktin, duke shtuar se Presidenti është i sigurt. Pranë zyrës së kreut të Shtetit janë dëgjuar krisma armësh.
Qëllimi i ushtrisë:
Në një deklaratë të dërguar me email dhe siç raportohet në kanalet televizive turke, ushtria tha se të gjithë marrëdhëniet e jashtme ekzistuese të Turqisë do të mbahen dhe se sundimi i ligjit do të mbetet prioritet.
Sipas ushtrisë ata “do të riinstalojnë rendin kushtetues, demokracinë, të drejtat dhe liritë e njeriut, për t’u siguruar që ligji mbretëron në vend. Ne zotohemi se marrëdhëniet e mira me të gjitha vendet e botës do të vazhdojnë.
