Juventusi nuk kërkon të humbasë më kohë dhe tashmë fillon të ndërtojë sulmin kryesor për të përfituar shërbimet e Gozalo Higuain.
Bardheznjtë kanë një bazë të rëndësishme nga ku mund të startoj i gjtihë operacioni, dhe baza është aprovimi i lojtarit për këtë lëvizje, pra Higuain tashmë i ka thënë po Juves.
Oferta e torinezëve për argjentinasin është një marrëveshje 4 vjecare nga e cila ai do të përfitonte 7.5 milion euro në sezon, një shifër që është pranuar nga 28 vjecari.
Tashmë mbetet pjesa më e vështirë, akordi me Napolin. Nëse presidenti napoletan De Laurentis nuk pranon përfshirjen e kartonit të Zazës ose Rugani, atëherë Juventusi është gati të paguajë edhe klauzolën e largimit që Higuain ka në kontratën e tij me të kaltrit, pra 94 milion euro.
Për momentin Napoli ka konfirmuar se ende nuk ka mbërritur një ofertë konkrete për numrin 9, ndërsa vetë Higuain duket i vendosur për tu larguar aq sa përflitet se nuk do të jetë në përgatitjet e skuadrës për sezonin e ri.
Për argjentinasin është interesuar edhe Arsenali dhe pak ditë më parë sipas mediave britanike, topcinjtë ishin gati të ofronin 60 milion euro plus të drejtat e Olivier Giroud në shkëmbim të aftësive të sulmuesit.
Ditët në vijim do të qartësojnë edhe më shumë situatën pasi pritet që drejtori i përgjithshëm i Juventusit Giuseppe Marrotta dhe presidenti i Napolit, Aurelio De Laurentis të takohen në Milano.
