Pas lirimit nga akuza e vënies së tritolit ndaj biznesit të babait të ministrit Saimir Tahiri, Vladimir Gjuta mbetet sërish në burg.
Gjykata e Apelit të Krimeve të rënda ka lënë në fuqi vendimin e Gjykatës së Tiranës që vendosi “arrest me burg për 36-vjeçarin, i cili akuzohet për dhunë në familje dhe thyerje të masës së sigurisë. Prej fillimmajit, kur u lirua nga paraburgimi, ai thyente urdhrin e mbrojtjes dhe i shkonte në banesë të atit, duke e rrahur.
Policia dyshon se Vladimir Gjuta vuan nga probleme mendore. Sipas policisë, duke shkuar në banesën e të atit, shtetasi Vladimir Gjuta ka shkelur edhe vendimin e datës 22 prill 2016 të lëshuar nga Gjykata e Shkallës së Parë të Kukësit, e cila kishte marrë masën e sigurisë “arrest shtëpie”. Ishte babai i tij 78-vjeçari Ferit Gjuta, që bëri kallëzim penal në Komisariatin Nr.5 në Kamëz për të birin, me pretendimin se ai ushtronte dhunë sistematike ndaj tij.
