Një ngjarje e rëndë është shënuar mbrëmjen e sotme në Mirditë. Burime bëjnë me dije se një fëmijë i moshës 12-vjeçare është mbytur në lumin Fan në Mirditë.
Paraprakisht dyshohet se e ka marrë rrjedha e lumit. I mituri ka qenë duke luajtur me top me moshatarët e tij.
Burime për 27.al bëjnë me dije se topi i ka rënë në ujë. Fëmija shkoi ta merrte, por rrjedha e lumit ishte e fortë dhe e tërhoqi me vete.
Që prej momentit që është vënë re mungesa e të miturit, prindërit kanë lajmëruar policinë. Vijojnë kërkimet në zonë për trupin e 12-vjeçarit.
