Detaje të reja janë zbardhur nga vdekja e shtetases 60 vjeçare në Vlorë e cila u gjet pa shenja jete, pasditen e sotme. Ndryshe nga sa thuhet në njoftimin e policisë, mësohet se 60 vjeçarja është gjetur brenda ambientit të një bar kafeje. Gjithashtu mësohet se ditën e djeshme viktima, Vera.S kishte shfaqur shqetësime shëndetësore.
Burime paraprake raportojnë se punonjësit shëndetësorë të cilët u paraqitën në vendngjarje me ambulancë, bënë një kontroll dhe më pas u larguan. 60-vejaçarja prej vitesh jetonte vetëm në Vlorë, që prej kur ishte shpërngulur nga Elbasani.
Në vendngjarje ndodhet grupi hetimor dhe po punon për sqarimin e rrethanave të ngjarjes dhe identifikimin e kësaj shtetaseje.
