Nga Agron Gjekmarkaj
Zëri i tij në 31 vjet pluralizëm si ka munguar kurrë publikut shqiptar! Ai kur flet gjëmon, sokëllin, vikat , mundohet, sforcohet për token betohet.
Të rrumbullta e origjinale i ka mendimet të gjitha i lidhen në stomak, disa i shkojnë lart disa i shkojnë poshtë. Ato që nxjerr nga goja shoqërohen me tinguj gërrrrrr gërrrrrr, mërrrrr mërrrrr, dërrrrr dërrrrr , bërrrrr bërrrrr!
Si krusma e një pistolete lodër dëgjohet neper studio kokrroma e tij. Tund gishtin, tund kokën që të ruaj të prapmen. Përpëlitet zvarritet, çapitet pas Doktorit venitet !
Në emër të tij kërcënon, fal dhe premton. Serviloset ndaj të madhit zymtohet pranë të voglit. . Ha presh bën përshesh. Neper poste plaket , i pacipe , zvarranik me shikimin si qukapik. Qylaxhi, llokmaxhi se ndal asnjë perëndi. Hiqet si katolik po është stramastik, pi birrë dhe shpirtin e ka hirrë.
Në origjinë është bektashi ka prishur Kisha e Xhami po jeta i ka shkuar birinxhi. Me shokun Enver ka bere fotografi pas aksionit kundër objekteve të kultit ! Grupet armiqësore luftoi gjithë jetën në parti, për vete një here u bë armik po Doktori e fali e vuri në peqi ku ai dënesi si fëmijë. Ideolog , demokrat, intelektual, matrahul përdoret gjithmonë si shul.
