Një aksident ka ndodhur para pak minutash në aksin Gjirokastër-Tepelenë, si shkak i reshjeve të dendura të shiut. Për pasojë është dëmtuar drejtuesi i automjetit, 20-vjeçari me inicialet E.D, banues në Gjirokastër, i cili u transportua në spitalin e Gjirokastrës për të marrë ndihmën mjekësore, si dhe kanë marrë dëmtime të lehta 2 pasagjerët që ndodheshin në automjet.
Ngjarja ka ndodhur tek kthesa e unazës së qytetit në lagjen Gërhot kur një autoveturë me targa AA027OY e cila vinte nga Tirana në drejtim të Gjirokastrës, është përplasur me bordurën metalike në kushtet e rrëshqitjes nga rruga e ngarkuar me breshër.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
