Bashkëshortja e viktimës Hamawand Ali Hussein të ekzekutuar nga bandat e drogës në Angli ka treguar para Gjykatës se si u ngatërrua burri i saj me anëtarët e bandës shqiptare.
Jennifer Buller deklaroi se bashkëshorti i saj, Hamawand Ali Hussein, 30 vjeç, u përfshi përmes punës së tij të rastësishme si shofer në rrjetin e shqiptarëve.
Buller i tha Gjykatës se ajo ishte kishte dijeni të përfshirjes së tij, por ishte siguruar se nuk ishte “asgjë e madhe” në të cilën ai ishte i përfshirë.
Hamaëand Ali Hussein, babai i dy fëmijëve u gjet i vrarë me armë zjarri në tarracën e një shtëpie në Hartlepool në Angli, ku dyshohet se u tërhoq atje nga anëtarët e bandës shqiptare të drogës.
Nëna e dy fëmijëve tha se përdorimi i kokainës nga burri i saj ishte rritur në kohën që çoi në vdekjen e tij në shtator 2019.
Ajo i tha gjykatës se ishte ‘e shqetësuar’ për sjelljen e tij sepse ai dukej në ‘nën presion’ dhe mjaft i shqetësuar.
Dy javë para se të vdiste ai kishte thënë se ndihej nën presion dhe se gjithçka po shkonte keq.
Eugert Merizaj akuzohet se ka ndihmuar në organizimin e vrasjes së zotit Hussein duke e bindur atë të vizitojë shtëpinë në rrugën Charterhouse për të parë një vend të mundshëm të fermës së re të kanabisit.
