Të tjera detaje dalin në dritë nga ngjarja e rëndë që ndodhi në Itali ku mbetën të vrarë dy vëllezër shqiptarë dhe një tjetër shqiptar i plagosur.
Nga autoritetet italiane raportohet se 28-vjeçari shqiptar po udhëtonte me makinën e tij tipa Audi kur u përplas ballë për ballë me makinën e tipit Peugeot të dy vëllezërve shqiptarë dhe më pas të dy makinat përfunduan në kanalin anës rrugës. Aksidenti ka ndodhur në Chessa në udhëkryqin midis Pupille dhe Arcille. Forcat zjarrfikëse kanë nxjerrë nga makinat trupat e dy vëllezërve.
Sipas variantit fillestar, dy makinat (një Peugeot dhe një Audi) po udhëtonin në drejtime të kundërta, njëra drejt Scansano-s, tjetra drejt Grosseto-s, kur u përplasën për shkaqe të cilat janë ende nën hetim nga karabinierët.
Rruga ka qenë e ndërprerë deri rreth orës 11, kur mjetet e makinës kanë hequr dhe kanë marrë dy makinat.
Shoferi i Audi është dërguar në spital për ekzaminim, por ka pësuar vetëm lëndime të lehta.
Autoambulancat dhe dy helikopterë shkuan menjëherë në vendngjarje por dy shqiptarët nuk mundën të mbijetonin. 37-vjeçari shqiptar kishte dy fëmijë dhe gruaja e tij ishte shtatzënë me një fëmijë të tretë, ndërsa vëllai i madh kishte tre fëmijë. Dy vëllezërit ishin nisur për në punë.
