Raportet mes Agim Doçit dhe Ronela Hajatit duket se janë rregulluar. Madje, autori i njohur shqiptar gjatë një interviste në Expuls u shpreh se nuk ka asgjë me këngëtaren dhe madje i uron shumë sukses me këngën e saj për në “Eurovizion”.
Madje, deklaroi se nuk e ka pasur asnjëher problem që Ronela të fitonte “Festivalin e Këngës” dhe zbuloi se si juri kanë qenë unanimisht dakord që ajo të na përfaqësonte në “Eurovision”.
“Asnjëherë nuk kam pasur problem. Madje për fatin e mirë të jurisë, ishim unanimisht ta merrte Ronela Hajati sepse është një vajzë me një adrenalinë të veçantë që sfidon edhe skeptikët.”
Kujtojmë se, rreth një vit më parë, Ronela solli këngën “Alo” në bashkëpunim me Vig Poppën, që u kthye në temë diskutimi pasi Agim Doci, autor i këngës “A do të vish” e akuzoi se ajo u vetëquajt autore e tekstit të tij dhe citoi vetëm Luan Zhegun, i cili në fakt është interpretues, jo autor.
Madje, Doçi u duk i prerë kur deklaroi se hajdutët do të ndëshkohen, duke paralajmëruar një padi në Gjykatë për të drejtat e autorit.
Asokohe Ronela reagoi duke theksuar se kënga nuk ishte tërësisht remake pasi u morën vetëm dy vargje, për të cilat ka marrë leje te Osman Mula dhe Luan Zhegu.
“Kam marr leje te Luan Zhegu dhe Osman Mula. Nuk e dija që e kishte bërë Agim Doci. Le të quhet një gabim i imi. Nuk e mendoja që duhet t’i futesha aq thellë një gjejë te vogël. I kërkoj ndjesë. Më e madhe u bë nga të tjerët se sa nga vetë personi”, u shpreh atëherë këngëtarja.
