Mbrëmjen e sotme është përfshirë nga flakët Komisariati i Policisë në Kamëz. Burime bëjnë me dije se zjarri ka rënë në ambientet e Komisariatit nr.5. Shkaqet e zjarrit ende nuk dihet se cilat janë, po ai ra në ambientet e personave të ndaluar.
Ndërkohë që nga zjarri mësohet se dy persona kanë mbetur të lënduar. Ata janë dërguar në spital për të marrë ndihmë mjekësore.
Në vendngjarje kanë shkuar forcat zjarrfikëse të cilat kanë bërë të mundur shuarjen e flakëve, ndërkohë që godina e komisariatit është evakuuar e gjitha.
