Një tjetër “shtëpi bari” është zbuluar në Tiranë. Këtë herë efektivët e komisariatit numër 4 kanë zbuluar ambientin e përshtatur në një apartament në zonën e Qesarakës në kryeqytet.
Mësohet se në momentin kur ka parë policinë i riu 31-vjeçar ka tentuar që largohet duke ikur me vrap. Ai ka dalë nga ballkoni nëpërmjet disa tubave, por sërish ka përfunduar në pranga.
31-vjeçari e kishte marrë banesën me qira. Operacioni i policisë është kryer bashkë me OSHEE, pasi i riu kishte bërë lidhje të paligjshme për të furnizuar me energji “shtëpinë e barit’’.
Deri më tani lidhur me aksionin nuk ka asnjë njoftim të Policisë së Shtetit.
