Një aksident ka ndodhur mbrëmjen e sotme rreth orës 19:30 në lagjen 13, në qytetin e Durrësit.
Sipas policisë, mësohet se drejtuesja e mjetit, 20-vjeçarja me inicialet R.K, ka humbur kontrollin e mjetit dhe është përplasur me trafikndarësen.
Si pasojë e përplasjes është dëmtuar drejtuesja e mjetit dhe pasagjeri me inicialet L. K. që ka qenë me të në makinë, të cilët tanimë ndodhen nën kujdesin e mjekëve, dhe janë jashtë rrezikut për jetën.
Nga burimet mësohet se, grupi hetimor ndodhet në vendngjarje dhe po punon për sqarimin e rrethanave dhe shkaqeve të aksidentit.
