Aktori i njohur Neritan Liçaj ka qenë sonte pjesë e protestës së qytetarëve kundër rritjes së çmimeve të hidrokarbureve dhe shportës ushqimore, teksa iu ka bërë thirrje dhe të tjerëve të bashkohen në shesh. Ai është shprehur se pjesëmarrja në shesh është ajo që iu garanton liritë dhe të drejtat.
“Kur qeveria çartet duhet kthyer më këmbë në tokë. Pjesëmarrja në shesh është ajo që të garanton liritë dhe të drejtat. Prandaj shqiptarë mblidhuni në shesh të zgjidhim hallet tona, kjo është e vetmja mënyrë. Jemi një komb që nuk na ka mposhtur dot Roma, Bizanti apo Otomanët, jo më Rilindja. Të gjithë bashkë do të fitojmë”, deklaroi Liçaj.
