Partizani nuk mendon vetëm për sulmin dhe mesfushën.
Ekipi i drejtuar nga italiani Agostineli ka bërë me dije se ka afruar edhe mbrojtësin Franc Veliu.
Vlonjati do të qendrojë tek kryeqytetasit deri në fund të sezonit, me mundësinë të rinovojë edhe për një vit tjetër.
Fazën e parë ai luajti për Kukësin, por duke qenë se nuk ka bindur drejtuesit e klubit verior, ai u la i lirë.
Tek Partizani Veliu do të ketë një konkurrencë të fortë, duke qenë se tek ekipi i kuq titullarë për momentin janë Bicaj me Krasniqin, por edhe Atanda konsiderohet si një mbrojtës titullar, sidomos pas paraqitjes së fundit kundër Laçit.
