Netflix ka pezulluar shërbimin e tij në Rusi për të protestuar kundër pushtimit të vendit të Ukrainës, ka raportuar Variety.
Në fillim të kësaj jave Netflix Inc ndaloi përkohësisht të gjitha projektet dhe blerjet e ardhshme në Rusi, ndërsa vlerësoi ndikimin e pushtimit të Ukrainës nga Moska.
“Duke pasur parasysh rrethanat në terren, ne kemi vendosur të pezullojmë shërbimin tonë në Rusi”, citon Variety të ketë thënë një zëdhënës i Netflix.
Kujtojmë që sot Ukraina ka hyrë në ditën e 12-të që po përballet me agresion rus, ku të shumta kanë qenë dëmet materiale dhe humbjet njerëzore.
