Ministri i Jashtëm ukrainas, Dmitry Kuleba, ka bërë sot një deklaratë të fortë sa i përket agresionit rus në vendin e tij. Ai denoncoi sot përdhunimet e kryera nga ushtarët rusë në qytetet e Ukrainës. Kuleba nuk dha prova për të mbështetur deklaratën tronditëse, por kërkoi nga SHBA që të lëviz gurët e saj. Sipas tij, Rusia duhet të vihet si përgjegjëse para drejtësisë.
“Kur bien bomba në qytetet tuaja , kur ushtarët përdhunojnë gratë në qytetet e pushtuara dhe kur kemi raste të shumta, për fat të keq, me ushtarë rusë që përdhunojnë gra në qytetet e Ukrainës, është e vështirë, natyrisht, të flasim për efektivitetin e ligjit ndërkombëtar. Por ky është i vetmi instrument kulturor që kemi në dispozicionin tonë për të siguruar që të gjithë ata që bënë të mundur këtë luftë të jenë më në fund përgjegjës përpara drejtësisë”, tha ministri gjatë fjalimit të tij në Institutin Mbretëror të Marrëdhënieve Ndërkombëtare në Londër. Kujtojmë se pak ditë më parë Haga njoftoi se ka nisur hetimet ndaj Rusisë për krime lufte në Ukrainë.
