Sulmuesi i njohur Mario Balotelli jo pak herë është lakuar në botën e futbollit për talentin e tij, duke u renditur si një ndër sulmuesit më të mirë.
Ai ka marrë sërish vëmendjen ku gjatë një interviste për “The Athletic”, pyetjes nëse ka ndonjë keqardhje për karrierën e tij, sulmuesi italian i është përgjigjur duke mos shfaqur asnjë shenjë modestie.
“Kam humbur disa mundësi për të qenë në nivelin e më të mirëve në botë, por jam 100% i sigurt se kam të njëjtat cilësi si Leo Messi e Cristiano Ronaldo.
Nëse flasim për talentin e futbollit, nuk kam asgjë për të pasur zili”, është shprehur Mario Balotelli.
Futbollisti është aktivizuar me klubet si Inter, Milan, Manchester City, Liverpool e Marseill.
