Dje ishte vetë lojtari që njoftoi për trasnsferimin e tij tek Manchester United, edhe pse nga klubi nuk erdhi asnjë konfirmim.
Por sot zyrtarizimi mund të quhet i plotë pasi Ibra ka firmosur për Djajtë e Kuq dhe nuk do të ketë më spekulime për të ardhmen e tij.
Sulmuesi suedez ka folur për faqen zyrtare të klubit dhe është shprehur i lumtur për transferimin dhe faktin që do të punojë me ish-trajnerin e tij tek Interi dhe njeriun që e çmon aq shumë Jose Mourinho.
“Jam shumë i kënaqur me kalimin te Manchester United dhe po përgatitem për fillimin e Kampionatit. Mezi po pres të punoj edhe një herë me Jose Mourinho. Ai është një trajner fantastik dhe unë jam i gatshëm për këtë aventurë të re. Deri më tani kam pasur shumë momente të mëdha në karrierën time, por jam gati të krijoj kujtime të veçanta edhe në Angli ” tha bomberi suedez.
