Ndërkohë që në Shqipëri fotoja e kryeministrit Edi Rama me Presidentin amerikan Barack Obama ka hapur debat të madh për shkak se FBI ka zbuluar financimin nga të huajt për fushatën e kreut të Shtëpisë së Bardhë me 80 mijë euro, taksisti shqiptar Bilal Shehu i marrë i pandehur nga drejtësia amerikane ka zbardhur të vërtetën.
Zëri i Amerikës ka mësuar se fondet prej 80 mijë dollarësh që përmenden në akuzën ndaj shtetasit Bilal Shehu janë me origjinë nga Shqipëria. Sipas akuzës, personi në fjalë u përpoq të bëjë transferimin e këtyre fondeve për fushatën elektorale të presidentit Obama dhe për të futur në një takim elektoral një shtetas të huaj, i cili ndonëse nuk hyri dot, arriti të bëjë një fotografi me presidentin Obama.
Zëri i Amerikës ka publikuar pyetjet që iu drejtuan në seancën gjyqësore shtetasit Bilal Shehu me banim në Paramus të Nju Xhersit, i cili pranoi fajësinë se kishte ndihmuar për të fshehur kontribute të huaja gjatë fushatës presidenciale të vitit 2012 në SHBA.
Në pyetësor nuk përmendet emri i kryeministrit Edi Rama por ai përmendet si “shtetasi i huaj 2”.
Së fundmi, burime nga Partia Demokratike bëjnë të ditur se po përgatitet kallëzimi penal për kryeministrin Edi Rama për mashtrim dhe pastrim parash.
